KUNJUNGAN KE :

Jumat, 29 Oktober 2010

UMURE MENUNGSO


JEJERAN PAMIKIRAN :



PANCEN NYOTO TERANG TERWELO-WELO...
UWIS ORA ISOK DIPUNGKIRI MANEH...
ISOK DIGAWE PITUTUR MARANG ATI SING KURANG BERSIH...
KALAWAN TIYANG KANG MELARAT BUDI PEKERTI'NE...

NALIKA MULAI LAIR PROCOT, MENCOLOT LAN ISOK NYAKOT DOT...
NALIKA MULAI ISOK ONGKONG-ONGKONG, MBRANGKANG LAN MEKANGKANG...
NALIKA MULAI ISOK NGOMONG,NJALUK GENDONG LAN MEDONGKRONG...
NALIKA MULAI ISOK BERAHI, NJALUK RABI SAMPEK DADI NINI-NINI...

OJOK SOMBONG NALIKO SIRO DISANJUNG...
OJOK LALI NALIKO SIRO LUNNGUH KURSI...
OJOK GETUN NALIKO SIRO DADI PIANTUN...
OJOK SEMBRONO NALIKO SIRO NDUWE KUWOSO...

AJI MUMPUNG AWAK ISIK KUAT...
AJI MUMPUNG AWAK NDUWE DERAJAT...
AJI MUMPUNG AWAK NDUWE PANGKAT...
AJI MUMPUNG AWAK AKEH OLEH BERKAT...

NANGING KUDHU DIELING-ELING...
MUMPUNG SIRO ISIK ELING...
NANGING KUDHU DITITENI...
MUMPUNG SIRO ISIK TITEN...

SAK PIRO SUWENE ITUNGAN WEKTU...
SAK PIRO DOWOHE AKAL BUDI ISOK GOLEK KUWOSO...
SAK PIRO GEDHE'NE NAFSU OLEHE NGERUK ISINE DUNYO...
SAK PIRO KUATE ROGO NALIKO BAKAL NANDANG LORO...

SIRO KABEH BAKALAN SENGSORO NALIKO KAKEAN NGO'YO...
SIRO KABEH BAKALAN KELORO-LORO NALIKO UWIS MANCIK TUWO...
SIRO KABEH BAKALAN DIBEBER'NO KELOSO NALIKO UWIS ORA ONOK...
SIRO KABEH BAKALAN NEBUS DUSO NALIKA URIP NANG ALAM DUNYO...

(Podho dieling-eling yoo Thole....)

Kamis, 21 Oktober 2010

TAHU - TEMPE


CANGKEM MINGKEM :

Sing dadi lak yoo akale...
Pokok'e isok cukup mbendinane...
Ora sampek kosong wakule...
Pawon isok terus kemebul geni'ne....

Tansaya mung mangan tahu...
Tansaya mung isok nggoreng tempe...
Sing penting akal budine...
Sing penting coro-cara'ne...

Tuku iwak uwis ora kuat...
Tuku jeroan isok asam urat...
Tuku daging isok merinding...
Ndelok rego sak iki uwis ora sebanding...

Karo oleh'e pemasukan...
Karo oleh'e bayaran...
Karo oleh'e ceperan...
Karo oleh'e enthit-enthitan...

Sing penting isok ngguyu...
Senadyan mung isok mangan tahu...
Sing penting isok memble...
Senadyan mung isok tuku tempe...

(Jeritan Wong Budhal Nang Pasar)