 |
| Blog Punakawan Suroboyo |
GUYONAN GORO-GORO
Disendekno ngisor uwit jambu, Bagong meringis kelaran ...
Tangan'ne bolak-balik nguyek garesi sing mulai aboh ...
Petruk lan Gareng sing isik ora percoyo ndelok Bagong ciloko mung godag-godeg ambek setengah njengah-ah cangkeme kudhu ngguyu ....
Bagong :
"Aduh Biyung ....!!
Sikilku loro kabeh ....
Cekot-cekot rasane ....
Bangkek'anku rasane koyok kepluntir ....!!"
Gareng :
"Olah opo Gong ....
Kowe athek gulung koming koyok ngono Gong ...?!"
(Takon Gareng mbukak swara ...)
Petruk :
"Hehehehe ....!!"
(Meringis setengah ngece ....)
Bagong :
"Opo podho picek kabeh ...
Uwis onok uwong tibo kesandung ...
Isik wae ditakoki kenek opo ...??"
(Sahur Bagong sewot ...)
Gareng :
"Sabar wae lho Gong ...
Wong jenenge molo ...
Tekone yoo ora ketoro ...
Mak mbejedul koyok ngono ....?!"
(Gareng ngedem-ngedemi Bagong ...)
Bagong :
"Iki goro-goro koen kabeh ...!!"
(Duding Bagong nang Petruk lan Gareng)
Petruk :
"Lha... kok nyalahno aku ambek Gareng ...
Piye nalare Gong ...?!"
(Saut Petruk ora terimo)
Bagong :
"Kowe eker wae koyok uwong gegeran ....
Aku kaget ... sak kal mencolot ...!!
Kuwatir lek onok-onok karo pithek jagoku ...!!"
Petruk :
"Hahahaha ....!!
Dasar uwong kedunyan ...
Iko lho.... pithekmu isik mbatang ngisor kombong ...!!
Sopo uwonge sing apene gelem nggondol ...!!"
Bagong :
"Lha .... kowe apene lapo Reng ?!
Undangan kendurene lak engkok bengi ...
Isik isuk uwis kelutusan nang pekaranganku ...!!"
(Ganti Bagong curiga nang Gareng)
Gareng :
"Uwis weruh Gong ....
Yen undangan kendurenmu iku engkok bengi ...!!
Lha... wong sak iki jamku mergawe golek barang bekas jare ...!!"
Bagong :
"Golek barang bekas kok sampek mlebu pekarangan mburi omahku ...
Hayoo ...!! Kowe ape golek-golek yoo ?!"
Gareng :
"Sundel Bolong ...!!
Pikiranmu kok podho karo Petruk ....
Opo mbok kiro aku apene golek-golek yoo ...?!
Opo mbok pikir aku apene pek-pinek barange wong liyo ...?!
Opo mbok pikir aku geleman colong ngono tach ...?!"
(Saut Gareng mangkel ketuduh Bagong)
Petruk :
"Mangkane kuwi sing dadi eker antarane aku ambek Gareng ...!!
Olah opo golek barang rosokan sampek mlebu pekarangane mburi omahe uwong !!
Lek gak golek-golek yoo Gong ...!!"
(Imbuh Petruk ...)
Gareng :
"Asu iku ...!!
Koen isik wae melok ngompor-ngompori Bagong ... Truk !!
Tak antem gak nggawe tangan .... perotol awakmu Truk ...!!"
Petruk :
"Oh..... Tak idoni awakmu .... Sido bosok kowe Reng...!!"
Bagong :
"Sik...sik... engkok dhisek...
Kowe kabeh opo ora mambu barang gosong tach ...?!"
(Bagong nyela eker-ekerane Petruk karo Gareng)
Gareng :
"Eeehmmm ..., iyo kok koyok mambu gosong ...!!"
Petruk :
"Lha...., iku ngono godhokan banyumu Gong ...!!
Opo uwis mbok patheni tach ....."
Bagong :
"Oh..., iyo Truk...!!
Durung tak patheni komporku ...
Ndang pathenono komporku....
Tulung Truk.... cepetan ....!!"
Petruk langsung mak - per mlebu nang pawoni Bagong ...
Ndelok banyu sing digodhog Bagong uwis sat ngletek ...
Pancine sampek ireng dadi areng kesatan banyu ....
BERSAMBUNG ...
